Henry Lafitte, "Camérade" deitua, Bidouze errekako azken batelari bat da. Argazkian, Les Arroques "bachet"  modeloko ontziaren arrastoen aitzinean.

Hastapenetik, Les escumayres-Talasta elkarteak itsas-bazterreko Aturriren ondarea zaintzeko eta transmititzeko lan bat eramaten du, bestalde.

Lan hori, gaurregun desagertuak diren bi korporazioen memoria bilketaren inguruan eramana da, gehienik : batelariak eta kalfateroak (Aturriko uregietan horrela deitzen zituzten itsas-zurginak).

Hortarako, azken aktore horiek kondatzen dizkiguten oroitzapenak grabatzen aritu gara, baita ere, aktibitate horieri loturiko testu, lekukotasun eta argazkiak biltzen.